🎉 Киноверзум денес слави 5 години! Точно пред 5 години, во сабота на 14 декември 2019 година, со проекцијата на филмот „Џуманџи: Следното ниво“, беше отворена првата кино сала на Киноверзум во рамките на International Slavic University • Меѓународен Славјански Универзитет во Свети Николе.

🔸 Зошто сабота?
Одлучивме да отвориме на 14 декември, само за да го избегнеме петок 13-ти 😅. Но, судбината си поигра – првите две карти за кино беа продадени токму на петок 13-ти. Симболично или не, ова беше почеток на нешто големо.

✨ Успехот беше неверојатен и веднаш забележлив. Само во првите три месеци бројката на посетители достигна рекордни 10.000 луѓе, со љубители на филмот од сите соседни градови. Но, потоа дојде пандемијата… За седум месеци вратите беа затворени, но ентузијазмот остана.

🏆 Признанија што ни го трасираа патот
Нашата работа беше препознаена уште во 2020 година, кога од Здружението на новинари на Македонија – Регионален актив „Исток“ – Штип ја добивме наградата „Најдоброто од истокот“, за посебен придонес во филмската уметност.

Во 2022 година, основачката на Киноверзум, м-р Михаела Ѓорчева стана дел од престижната листа Forbes 30 Under 30 – Europe, каде што се истакнуваат најдобрите млади претприемачи, активисти и научници во Европа. Истата година го добивме признанието „Најуспешни битолчани“, од најстариот локален весник во земјава, Битолски весник.

📍 На 19 јануари 2023 година ја отворивме нашата втора кино сала во Велес. На 8 јули 2023 година, се проширивме и во Штип. На 15 март годинава кино салата во Кисела Вода беше нашиот најнов проект.

Денес, со вкупен капацитет од 827 места, Киноверзум е единствениот македонски ланец на кина.

💡 Што следува?

Уште повеќе кино сали во нови градови.
Инвестирање во нова технологија за врвно филмско искуство.
Организирање на филмски фестивали и тематски настани.

Благодарност до сите што се дел од оваа неверојатна приказна. Без вас, нашата публика, Киноверзум не би бил тоа што е денес.

Останете со нас на овој пат – заедно градиме иднина исполнета со филмска магија! 🎬