Ден на разоткривање

Содржина

Ако знаевте дека не сме сами, ако некој ви го покажеше, ви го докажеше тоа, дали тоа би ве исплашило?

Ова лето, вистината им припаѓа на седум милијарди луѓе.

Речиси е… ДЕНОТ НА РАЗОТКРИВАЊЕ

„Јуниверсал Пикчерс“ со гордост претставува нов филм замислен и режиран од Стивен Спилберг. Во него глумат добитничката на наградата SAG и номинирана за Оскар, Емили Блант („Опенхајмер“ и „Тивко место“), добитникот на ЕМИ и Златен глобус, Џош О’Конор („Ривал“, „Круната“), добитникот на Оскар, Колин Фирт („Говорот на кралот“ и франшизата „Кингсмен“), Ив Хјусон и два пати номинираниот за Оскар, Колман Доминго.

Врз основа на приказна на Стивен Спилберг, сценариото го напиша Дејвид Кеп, чии претходни соработки со Спилберг ги вклучуваа сценаријата за „Паркот Јура“, „Паркот Јура: Изгубениот свет“, „Војна на световите“ и „Индијана Џонс: Кралството на кристалниот череп“. Заедно, овие филмови заработија повеќе од 3 милијарди долари низ целиот свет. Кеп го напиша и сценариото за филмот „Светот Јура: Преродба“ од 2025 година.

Стивен Спилберг е еден од најуспешните и највлијателните филмски режисери во индустријата. Како режисер со најголема заработка на сите времиња, Спилберг режирше блокбастери како што се „Акула“, „Е.Т. “, франшизата „Индијана Џонс“ и „Паркот Јура“. Меѓу неговите многубројни признанија, тој е три пати добитник на Оскар, вклучувајќи ги и наградите за најдобар режисер и најдобар филм за „Шиндлеровата листа“, филм кој освои вкупно седум Оскари.